Член на тимот предводен од Светската здравствена организација (СЗО) што спроведува истрага во Вухан, кинескиот град каде првпат беше регистриран коронавирусот, рече дека е изненаден од комплексноста на задачата да се открие потеклото на вирусот и дека истражувањето би траело со години.
Доминик Дваер, микробиолог и експерт за заразни болести, рече дека кинеските власти добиле пристап до истражувачка група во Вухан да ги испитаат почетоците на пандемијата на коронавирусот што за првпат беше регистриран во овој кинески град.
„Секој знае како избувна пандемијата од пазарот Хуанан во Вухан, но клучно е да се открие што се случило тогаш и претходно“, рече Дваер.
Потеклото на коронавирусот стана многу исполитизирано прашање по меѓународните критики до Кина за недоволната транспарентност во раните денови на епидемијата. Пекинг ја застапува теоријата дека вирусот можеби потекнува од друго место.
Дваер, австралиски експерт за ХИВ, кој работеше со СЗО за време на епидемијата на САРС и птичји грип, рече дека главната „загатка“ на COVID-19 е тоа што првите асимптоматски пациенти не знаеле дека носат вирус.
„Наивно е да мислиме дека ќе го најдеме нулта пациентот“, рече експертот на СЗО. Раните случаи беа забележани во ноември 2019 година, но најважно е што се случило непосредно претходно, рече Австралиецот.
Дваер се согласува со Питер Дазак, зоолог и експерт за болести на животни, исто така член на тимот, кој нагласува дека ќе биде многу тешко да се разбере потеклото на коронавирусот.
„Дури и со САРС и ебола, имаме неколку добри идеи, но никој не е сигурен“, рече Дазак за Ројтерс во четвртокот.
Истражителите посетија болници, истражувачки центри и пазар на морска храна каде што бил пријавен првиот случај, но нивните контакти во Вухан биле ограничени на посети организирани од кинески домаќини.
Двајер рече дека тимот завршил со разгледување на страниците и се подготвува да ги презентира првите заклучоци што е можно поскоро, пред да истече 28-дневната виза на членовите на истражувачката група кон крајот на следната недела.
