Македонскиот репрезентативец по шести пат саезонава се запиша во листата на стрелците во Серија А, а овој пат имаше посебна порака при славјето на погодокот.
Лидерот во Калчото, екипата на Наполи, синоќа на домашен терен на стадионот „Диего Армандо Марадона“ ја пречека екипата на последнопласираниот Кремонезе и оствари рутинска победа од 3:0. Нашиот Елиф Елмас натпреварот го почна од клупата за резерви, а во игра влезе во 70. минута на местото на Полјакот Пјотр Желињски, кога неговиот тим водеше со 2:0 со головите на Хвича Кварацхелиа и Виктор Осимхен.
Девет минути по влегувањето во игра, Елмас иташе кон гостинскиот гоил, за момемнт ја врати топката назад до Џовани Ди Лоренцо пред овој повторно да му ја додаде и од прва со десна ја смести во мрежата на немоќниот Марко Карнесеки.
Откако го постигна голот Елмас со рацете направи знак на ѕвезда и месечина, што е симбол на Турција и кој го има и на знамето на оваа земја каде Елмас настапуваше пред да дојде во Италија, во тимот на Фенербахче.
Ова е вкупно шести гол за Елмас во Серија А сезонава, а има и една асистенција.
Ова беше и своевидна одмазда на Наполи за шокантната елиминација од Копа Италија токму од малиот Кремонезе.
Наполи е убедливо прв во Калчото со 59 бодови, 16 пред второпласираниот Интер кој вечерва против Сампдорија го игра својот натпревар од ова 22. коло.