Уште една ноќ за паметење на паркетите ширум НБА имаше Камерунецот Жоел Ембиид кој ја предводеше својата Филаделфија до победа над Индијана со 133:120.
Синоќа на терените во НБА се одиграа четири возбудливи и ефикасни натпревари. Програмата ја отвори фантастичната изведба на Ембиид.
Камерунецот постигна 41 поен со 20 скока и со тоа влезе во историјата. Без разлика на скорот на последниот натпревар против Детроит Пистонс, тој ќе ја заврши сезоната со повеќе од 30 поени по натпревар во просек.
Ниту еден центар во НБА лигата не го направи тоа од 1982 година и Моузис Мелоун, што доволно зборува за тоа каква сезона има центарот на Филаделфија.
Голден Стејт Вориорс го обезбеди третото место во плеј-офот со победата од 100:94 на гости кај Сан Антонио Спарс. За Вориорс ова беше важна победа, обезбедувајќи го третото место пред плеј-офот, додека Сан Антонио ќе биде во плеј-инот над 10. место.
Голден Стејт речиси сигурно во првото коло ќе игра со Денвер Нагетс, додека Сан Антонио во првото коло од плеј-инот ќе оди на Њу Орлеанс Пеликанс.
Во преостанатите два натпревара Мемфис ги совлада споменатите Пеликанс, додека Клиперс беа подобри од Сакраменто.
Резултати:
Филаделфија 76ерс - Индијана Пејсерс 133:120
Мемфис Гризлис - Њу Орлеанс Пеликанс 141:114
Сан Антонио Спарс - Голден Стејт Вориорс 94:100
Лос Анџелес Клиперс - Сакраменто Кингс 117:98
Табела:
