Кошаркарите на Филаделфија 76ерс ги совладаа Селтикс со 108:103 среде Бостон и со тоа најавија излез од кризата бидејќи имаа три последователни порази.
Гостите подобро го отворија натпреварот и по првата четвртина имаа 8 поени предност. Селтикс потоа се разбудија и се вратија во игра, на полувреме заминувајќи со реми.
Во третата четвртина следуваше целосен пресврт на Селтикс, но тоа не беше крајот на оваа драматична игра. Имено, 76ерс одиграа феноменално до крајот на натпреварот и дојдоа до заслужена победа.
Селтикс практично ги реши самиот Жоел Ембиид, кој постигна феноменални 41 поен и додаде 10 скока и 5 асистенции. Камерунецот помош имаше од Стеф Кари кој постигна 26 поени, додека најдобриот играч на Бостон, Џејлен Браун, постигна 30.
Филаделфија е на 6. место во Источната конференција со 16 победи и 15 порази, додека Бостон е 9-ти со сооднос 15-16.
Од синоќешните натпревари, ја издвојуваме победата на Сан Антонио Спарс на гости против Лос Анџелес Клиперс. Натпреварот го одбележа гостинскиот стрелец Дежунте Мареј, кој стана првиот играч во историјата на својата франшиза кој забележал 6 трипл-дабл оваа сезона. На крајот собра 24 поени, 12 скокови и 13 асистенции во победата на Тексанците.
Бостон Селтикс - Филаделфија 76ерс 103:108
Торонто Репторс - Орландо Меџик одл.
Чикаго Булс - Хјустон Рокитс 133:118
Мемфис Гризлис - Оклахома Сити Тандер 99:102
Јута Џез - Шарлот Хорнетс 112:102
Голден Стејт Вориорс - Сакраменто Кингс 113:98
Лос Анџелес Клиперс - Сан Антонио Спарс 92:116
