Изјавата на американскиот претседател Џо Бајден дека смета дека рускиот лидер Владимир Путин е убиец е неприфатлива и не му одговара на американскиот претседател, изјави денеска турскиот претседател Реџеп Тајип Ердоган.
Претседателот Ердоган кажа дека изјавата на американскиот претседател за неговиот руски колега е неприфатлива и несоодветна за еден американскиот претседател.
-Изјавата на господинот Бајден за господинот Путин не доликува на претседател. Забелешките што претседателот ги користи во јавноста за претседателот на земја, како Русија, се навистина неприфатливи и не се нешто што може да се прифати, рече Ердоган.
Бајден за Путин кажа дека „ релативно добро го познава“ и дека според неговото искуство со странските лидери, најважната работа е да го знаете соговорникот.
„Што се однесува до изјавата на мојот американски колега, ние навистина се знаеме лично. Што би му одговорил? Би му рекол да е жив и здрав, му посакувам добро здравје“, изјави Путин во текот на состанокот со претставници од Крим и Севастопољ.
Тој додаде дека ова го кажува без иронија или како шега.
Рускиот претседател во врска со острите изјави на американскиот претседател рече дека сите ги гледаат другите онака како што се проценуваат себе.
„Ако гледаме пошироко на таа тема, во историјата на секој народ, секоја држава има многу тешки, драматични и крвави настани. Но, кога ги оценуваме другите или дури и кога ги проценуваме другите држави, другите народи, како секогаш да се гледаме во огледало. Секогаш таму се гледаме себеси. Бидејќи секогаш на другиот го префрламе тоа што самите го чувствуваме, тоа што сме во суштина“, нагласи Путин.
Читајте наредно: Путин го предизвика Бајден на дуел
