Соочувањето помеѓу боксерот Тајсон Фјури и неговиот противник Дионтеј Вајлдер се одржа пред нивниот натпревар закажан за 24 јули во Лас Вегас, а Фјури најави нова победа.
Вајлдер зборуваше само кратко на прес-конференцијата, а меѓу другото му се заблагодари и на неговиот правен тим што се избори за овој натпревар.
Тој одби прашања и целото внимание го насочи кон Фјури.
„Минатиот пат го открив мојот план, бидејќи тој не беше доволно добар за да направи нешто. Овојпат ќе го сторам истото. Вајлдер е предвидлив, ќе го прегазам како камион. Гарантирам дека нема да стигне подалеку од минатиот пат. Претходно имав само пет-шест недели за тренирање. Овојпат тренирав 18 месеци, кревам тегови, сакам страшен нокаут. Не верувам дека тој е психички, физички и емоционално присутен, го прави ова од погрешни причини, и кога луѓето го прават тоа, настрадуваат“, рече Фјури.
Вајлдер двапати го испрати Фјури на под во првата борба која заврши нерешено, додека во втората Фјури славеше.
И неговиот тренер го пофали.
„Сега има доволно сила да нокаутира човек со еден удар. Среќен сум поради тоа, како и поради другите боксерски вештини“, рече тренерот Шугархил Стјуард.
Тренерот на Вајлдер, Малик Скот, имаше готов одговор.
„Претходно не сте нокаутирале никого со еден удар. Дионтеј е сирова сила, тој е ментално прилагоден. Ќе стане двоен шампион со нокаут“, рече Скот.
