Honda, најголемиот произведувач на мотоцикли во светот, најави дека до 2025 година ќе бидат претставени 10 или повеќе електрични мотоцикли.
Од Honda соопштија дека електричните мотоцикли ќе бидат наменети за европскиот и азискиот пазар, но некои од нив ќе бидат достапни и во Северна Америка. Исто така, не треба да се очекува многу модели со високи перформанси бидејќи од тоа што го објави Honda можат да се видат 11 силуети на потенцијални електрични модели од кои само четири не изгледаат како мопеди.
Honda развива нова платформа наречена FUN и планира на јапонскиот, европскиот и на американскиот пазар да пласира три големи електрични модели меѓу 2024 и 2025 година. Исто така, јапонската компанија работи на детски велосипед заснован на истиот погон и батерија.
Honda ќе продолжи да произведува модели на мотори со внатрешно согорување, но еколошки прифатливи благодарение на користењето Е20 и Е100 гориво базирано на етанол.
Целта на Honda е нејзиниот бизнис со мотоцикли да биде карбонски неутрален до 2040 година, а електричните модели да бидат 15% од продажбата на мотоцикли до 2030 година.
