Словенечката репрезентативка Јања Гарнбрет денеска влезе во историјата на Олимписките игри како освојувачка на првиот златен медал во спортски болдеринг (bouldering), спорт што ја имаше својата премиера во годинашната Олимписка програма во Токио.
Гарнберт дојде во Токио како главен фаворит за титулата олимписки победник и го оправда тој статус со одличен финален настап. Во првата дисциплина, брзинско качување, 22-годишната Словенка го освои петтото место, а славеше Полјачката Александра Мирослав со новиот светски рекорд (6,84 секунди).
Но, за Гарнберт, тоа беше само загревање за нејзините две најсилни дисциплини. Во болдеринг никој не беше ниту близу до неа, бидејќи таа беше единствената што успеа да стигне до врвот на две од трите камења, додека ниту еден од преостанатите седум финалисти не успеа да го стори тоа на ниту еден од нив.
Во третата дисциплина, тежинско качување, Гарнбрет повторно беше недостижна за натпреварувачите и го освои првото место, достигнувајќи 37 позиции за фаќање. Втората во таа дисциплина, Корејката Сео Ча-Хјун, стигна до 35-тата позиција.
Во Токио се делеше еден сет медали, во комбинација, каде што конечниот редослед беше добиен со собирање на пласманите во сите три дисциплини. Така, Јања Гарнбрет убедливо славеше со пет поени, пред двете домашни олимпијки, Михо Нонаке и Акијо Ногучи, како и четвртопласираната Мирослав.
