Никола Јокиќ и Јанис Адетокунбо, главните противници на Лука Дончиќ за МВП трофејот, продолжија со одлични партии во НБА.
Јокиќ на дуелот против Сакраменто постигна 40 поени, додаде 7 скока и 6 асистенции, но тоа не беше доволно за Денвер да победи.
Сакраменто победи со 127:126 благодарение на Де'Арон Фокс и Домантас Сабонис кои постигнаа по 31 поен.
Јокиќ се обиде да биде херој, но во последната секунда шутираше и ја промаши тројката за победа.
Антетокунмпо имаше уште подобар индивидуален учинок од Јокиќ - 45 поени, 22 скока и 7 асистенции, но и тоа не беше доволно за Милвоки.
Чикаго славеше на крилата на Демар Дерозан (42 поени, 10 скокови, 5 асистенции) по продолжение со резултат 119:113.
Како и Јокиќ, и Јанис беше трагичар бидејќи на крајот од регуларниот дел од мечот го уништи нападот за победа.