Српскиот кошаркар Никола Јокиќ направи голем скандал на натпреварот против Мајами Хит откако го нападна Маркиф Морис, а потоа изјави дека се чувствува лошо поради тоа.
На крајот од натпреварот помеѓу Денвер Нагетс и Мајами Хит, Јокиќ беше фаулиран на средината на теренот, а потоа реши да му возврати на Морис, го удри, а Американецот се залепи на паркетот.
Ваков инцидент е нешто што ретко се поврзува со Јокиќ, а по натпреварот објасни што се случило. Исто така, српскиот кошаркар изјави дека се чувствува лошо поради неговиот непромислен потег.
„Тоа беше глупав потег, се чувствувам лошо. Не требаше да реагирам така, но беше за време на натпреварот. Добив удар. Го видов Морис, но мислев дека само ќе направи паметен фаул. Тој ме удри и мислев дека тоа е валкан потег. Морав да се заштитам и да му помогнам на тимот да победиме. Сепак, се чувствувам лошо и не требаше така да реагирам“, изјави Јокиќ по инцидентот.
Дефинитивно Јокиќ го чека суспензија. Според пишувањата на американските медиуми, српскиот кошаркар ќе мора да плати строга казна, но најверојатно ќе добие и суспензија од повеќе од еден натпревар.
