Јужна Африка привремено ги прекина плановите на здравствените работници од првите редови во борбата против коронавирусот да им дава од вакцината изработена од Универзитетот во Оксфорд и компанијата AstraZeneca.
Земјата одлучи ова да го направи откако клиничките испитувања покажаа дека вакцината на AstraZeneca не е ефикасна во спречување на лесните до умерени инфекции на јужноафриканскиот вид на коронавирусот.
-Вакцината на AstraZeneca делува ефикасно само против оригиналниот сој, но не и против оваа варијанта, рече министерот за здравство Звели Мехизе.
Американските медиуми потсетуваат дека Република Јужна Африка минатата недела ги доби првите милион дози од оваа вакцина, а вакцинацијата на здравствените работници се очекуваше да почне кон средината на февруари.
Прелиминарните податоци за вакцината Ковидшилд, развиена од Универзитетот во Оксфорд и фармацевтската компанија AstraZeneca, сепак, покажаа дека таа обезбедува ограничена заштита од послабата форма на јужноафриканскиот сој на коронавирусот.
BBC пренесува дека шведската фармацевтска компанија сѐ уште не утврдила дали вакцината штити од појаката форма на COVID-19, предизвикана од позаразниот јужноафрикански сој на вирусот.