Актерот Адам Сендлер со својот лежерен моден стил стана неочекувана инспирација за многу модни брендови во 2021 година, а беше и најпребарувана славна личност на Google кога станува збор за стилот на облекување.
Годинава Vogue го прогласи за стилска икона за 2021, а доказот за тоа е во резултатите на Google трендовите. Адам Сендлер се најде пред Хари Стајлс и Бритни Спирс.
За многумина оваа титула е неочекувана бидејќи актерот е најпознат по носење широки кошаркарски шорцеви. Привлекува внимание и со прешироките маици и модни додатоци кои варираат од кошаркарска топка до кафе и тегла со кисели краставици.
Сандлер е неофицијален амбасадор на пандемискиот стил на облекување, а со оглед на тоа што во изминатите 18 месеци доминираа сите удобни работи актерот стана репрезентативен пример.
Според Vogue, тој е и моден антихерој. Достигна такво ниво на успех што може да живее по сопствени стандарди за стилот, кои се ниски, но удобни.