Доколку сте љубител на мандарини, овој трик и тоа како ќе ви се најде. Едноставен и лесен начин кој киселите мандарини ги претвора во благи.
Сезоната на мандарини започна. Не само што се вкусни и лесни за консумација, туку и се доста здрави. Содржат витамин А, како и голема количина витамин Ц, па благодарение на нив успешно се бораме против настинки. Мандарините, исто така, му помагаат на имунолошкиот систем да ги детектира и потоа да ги уништи штетните патогени организми и на тој начин ни помагаат да се заштитиме од грипот, на пример, чија сезона почнува.
Но, често се случува наместо благи мандарини да купиме кисели, кои не се многу пријатни за јадење. Повеќе не мора да се грижите дали сте избрале вкусно овошје бидејќи лесно можете да им го поправите вкусот.
Еден од начините за мандарините од кисели да станат благи е да ги изложите на високи температури, т.е. да ги држите покрај порозорец на силно сонце некои 2-3 дена. Сепак, зиме тоа е малку тешко да се изведе со оглед на малата количина на сончеви зраци, а мандарините се зимско овошје.
Постои и друго решение, кое е побрзо и попрактично. Сѐ што треба да направите е во сад да турите топла вода, околу 40°C. Ставете ги мандарините во водата и оставете ги да отстојат некои 10-15 минути. Веднаш потоа потопете ги во ладна вода и тоа е сѐ. По две минути мандарините нема повеќе да бидат кисели туку благи.
Имајте на ум дека киселите мандарини се исто толку здрави колку и благите, па доколку можете да ги јадете тогаш само напред.
