Денвер губи со 2-0 од Голден Стејт и покрај новата одлична партија на Никола Јокиќ, а кошаркарите на Далас израмнија на 1-1 во серијата против Јута.
Голден Стејт го совлада Денвер со 126:106. Стеф Кари за 23 минути постигна дури 34 поени, додека Џордан Пул постигна 29 поени.
Јокиќ исто како и на првиот меч беше единствениот расположен, па мечот го заврши со 26 поени и 11 скока.
Далас ја победи Јута со 110:104, иако остана без Лука Дончиќ, но улогата на Словенецот ја презеде Јален Брунсон, кој постигна дури 41 поен со 8 скока и 5 асистенции.
Од друга страна, Донован Мичел постигна 34, а Бојан Богдановиќ додаде 25.
Во третиот меч синоќа Филаделфија го победи Торонто со 112:97 благодарение на 31 поен на Џоел Ембиид.
