Нова феноменална партија на Стеф Кари откако ноќеска со 37 поени го предводеше Голден Стејт до победа над Сакраменто.
За 37 минути и 47 секунди колку што мина на паркетот Кари постигна 37 поени збогатени со 7 скокови и 4 асистенции. Тој беше убедливо најефикасниот и најрасположениот играч на натпреварот во „Чејс Сентр“ арената во Сан Франциско. Оствари и 50-процентен учинок од ударите за 3 поени постигнувајќи 7 тројки од 14 обиди.
Зад него беше триото од редовите на гостите Хилд, Халибартон и Барнс со 25, 24 и 23 поени, недолно за нивниот тим да дојде до победата од која го делеа 5 поени. Дабл-дабл учинок имаше Дрејмонд Грин кај домаќините со 14 скокови и 13 асистенции.
За Голден Стејт ова беше 31 победа, а има и 30 порази, скор според кој ќе продолжи во пле-офот, но од осминафиналето. Сакраменто, пак, е с подалеку од таков пласман бидејќи со своите 24-36 е дури 12-ти на Западот.
Резултати:
Шарлот Хорнетс - Бостон Селтикс 125:104
Бруклин Нетс - Феникс Санс 128:119
Портланд Треил Блејзерс - Мемфис Гризлис 113:120
Вашингтон Визардс - Кливленд Кавалирс 119:110
Атланта Хокс - Милвоки Бакс 111:104
Орландо Меџик - Индијана Пејсерс 112:131
Голден Стејт Вориорс - Сакраменто Кингс 117:113
