Поефикасното рециклирање на суровини, првенствено литиум, никел и кобалт, како и позелено производство на батерии може да ја намали границата на поволна експлоатација на електричните возила.
Електричниот автомобил станува климатски ефикасен дури откако ќе помине 65.000 километри и тоа под услов да се полни со таканаречената зелена струја (која потекнува од еколошки извори). Ако се движи од електрична енергија добиена, на пример, со согорување на јаглен, границата на позитивниот ефект од возењето на батериите се поместува на 90.000 километри.
Овие податоци беа објавени во извештајот објавен во понеделникот од страна на Здружението на германски инженери (ВДИ), кое стигна до нив со вклучување на вкупните емисии на стакленички гасови во текот на целиот процес, од ископувањето суровини, преку производството на батерии и нивниот транспорт од Азија, до производство и експлоатација на самиот автомобил.
„Електричните и хибридните возила влегуваат на пазарот со еколошка хипотека поради интензивното производство на ресурси на погонска технологија, бидејќи денес производството на батерии е речиси исклучиво лоцирано во Азија“, рече претседателот на ВДИ, Јоахим Дамаски, пренесува SEEbiz.
Според него, поефикасното рециклирање на суровините, литиум, никел и кобалт, може да ја намали границата на поволна експлоатација, барем кога станува збор за Германија. Затоа е потребен понатамошен развој на климатски неутрални извори на енергија, како и еколошки помалку штетни батерии.
Електромобилноста станува навистина прифатлива за климата кога еколошкиот отпечаток е помал, што се постигнува преку позелено производство на батерии и суровини, заклучи Дамаски.