Папата Франциск нареди да се намалат платите на кардиналите за 10 проценти, како и на другите свештеници кои работат во Ватикан за да се зачуваат работните места на вработените, бидејќи пандемијата со COVID-19 ги погоди приходите на Римокатоличката црква.
Ватикан денеска соопшти дека папата Франциск издаде указ и воведе пропорционално намалување почнувајќи од 1 април.
Портпарол истакна дека намалувањето нема да влијае врз вработените на пониско ниво.
Се претпоставува дека кардиналите кои работат во Ватикан и живеат таму или во Рим имаат месечна плата од околу 4.000 до 5.000 евра, многумина во големи станови со многу пониски кирии од пазарните.
За другите водачи на служби, главно свештеници, платите ќе бидат намалени меѓу три и осум проценти. Програмираното зголемување на платата ќе биде суспендирано до март 2023 година.
Одредбите нема да важат само за базиликата Свети Петар во Ватикан.
Централното раководно тело на Католичката црква можеби ќе треба да користи 40 милиони евра од резерви втора година по ред, додека пандемијата ги намалува приходите, изјави претходно висок претставник од Ватикан.
