Ноќеска на терените во НБА се одиграа пет натпревари, а победа по драматичниот финиш прослави Лос Анџелес Лејкерс.
Лејкерс го совладаа Торонто Репторс со 132:131, а главен јунак беше Ентони Дејвис со 41 поен, што е негов сезонски рекорд.
Долго време Торонто ја бркаше предноста на Лејкерс, држеше приклучок, но на крајот Дејвис погоди четири слободни фрлања, а Рапторс не можеа да направат кам-бек.
Покрај 41 поен, од кои речиси половина (20) ги постигна во неверојатната четврта четвртина, Дејвис имаше и 11 скока и подели 6 асистенции, додека Леброн Џејмс имаше 22 поена и 12 асистенции. Кај Торонто, Скоти Барнс имаше 26 поени.
Сосема неочекуван пораз доживеаја кошаркарите на Далас Маверикс, од кој подобар беше десеткуваниот Мемфис Гризлис со 120:103.
Синоќа Гризлис до крајот на сезоната останаа без првата ѕвезда Џа Морант, утрово не играа ниту Џерен Џексон Џуниор, ниту Брендон Кларк, но Лука Дончиќ и Кајри Ирвинг не успеаја да ги одведат Маверикс до победа.
Дончиќ постигна 31, а Ирвинг 33 поени, но тоа не беше доволно, додека кај Мемфис блескаше Дезмонд Бејн со 32 поена.
Резултати:
Орландо Меџик - Минесота Тимбервулвс 92:113
Детроит Пистонс - Сакраменто Кингс 110:131
Њујорк Никс - Портланд Треил Блејзерс 112:84
Далас Маверикс - Мемфис Гризлис 120:103
Лос Анџелес Лејкерс - Торонто Репторс 132:131
Табела: