Флојд Мејведер и Логан Пол издржаа 8 рунди, а на крајот не беше прогласен победник бидејќи немаше пресуда од судија.
Јутјуберот издржа 8 рунди против непоразениот боксер, иако Мејведер доминираше од почетокот до крајот. Напнато беше за Логан Пол пред крајот, но успеа да ги избегне ударите од Флојд и да ја издржи и последната рунда, оставајќи го Мејведер без нокаут.
На крајот насмеани се прегрнаа, а на публиката тоа воопшто не ѝ се допадна. Публиката можеби беше разочарана од лошата борба, но Логан и Флојд добро си заработија.
Мејведер минатата недела изјави дека очекува заработка меѓу 50 милиони и 100 милиони долари од борбата. На Пол му беа гарантирани 250.000 долари и 10% од гледаност.
Гледачите платија по 50 долари за да ја гледаат борбата што се најавуваше како настан на годината, но повеќе имаше гушкање отколку удари, се најчестите коментари за оваа средба во рингот.
