Inter Club Macedonia, здружението на навивачи на Интер од државава, потврди дека во 7 градови низ Републикава в сабота организирано ќе се следи големото финале Манчестер Сити - Интер.
На локации во Битола, Демир Хисар, Охрид, Прилеп, Струмица, Штип и престолнината Скопје ќе има организирање гледање на финалето од Лигата на шампионите.
Седумте локации се:
- „Даблин Паб“ - Штип
- „Кај Гајдаро“ - Битола
- „Шила“ - Охрид
- Ресторан „Балкан“ - Автокоманда, Скопје
- „Левел“ гејминг клуб - Струмица
- „Кај Кекеле“ - Прилеп
- „Конект“ - Демир Хисар
„Седум градови кои в сабота ќе бидат обоени во црно-сино. Дрес кодот за сите градови е ист: ЗАДОЛЖИТЕЛНО дрес од Интер, шал и знаме!
FORZA INTER PER SEMPRE! 🐍🖤💙“, порачува здружението.
Не е исклучено до сабота уште некој град да се придружи на листата.
Над 50 членови на здружението, кое е официјално регистрирано во Милано, имаа среќа преку Интер да добијат код за купување карта за финалето во Истанбул, која чинеше 750 евра. Така, на големото финале, в сабота од 21 часот, на стадионот „Ататурк“ во црно-синиот дел на трибините ќе има и навивачи од Македонија.