Поранешниот руски претседател и долгогодишен сојузник на Владимир Путин, Дмитриј Медведев, изјави дека експлозијата на полска територија покажува дека Западот се приближува кон уште една светска војна.
„Инцидентот со наводниот 'ракетен напад' на Украина на полска фарма докажува само едно: водејќи хибридна војна против Русија, Западот се приближува до светска војна“, напиша Медведев на Twitter.
Полскиот претседател Анджеј Дуда претходно изјави дека земјата нема конкретни докази кои покажуваат кој го испукал проектилот што погоди погон за жито и уби две лица.
Жителите на Пржеводов, село на полско-украинската граница, каде одекнаа силни експлозии по падот на двата проектила за кои Полска официјално тврди дека се руско производство, се во шок. Новинарите од водечкиот полски весник Gazeta Wyborcza беа на местото на несреќата и разговараа со локалното население.
На местото на падот се формирал кратер длабок два метри, што може да се види и од видеата на социјалните мрежи