Лео Меси шпекулациите повторно го селат во Саудиска Арабија.
Интер Мајами не успеа да се пласира во плеј-офот на МЛС. Имаат уште два натпревара од регуларниот дел од сезоната, а по 22 октомври Меси и друштвото ќе имаат одмор дури до февруари 2024 година.
Меси има договор со Интер до 31 декември 2025 година, а повторно се појави приказната дека клуб во Саудиска Арабија сака да го донесе.
Се шпекулира дека Аргентинецот може да замине во Саудиска Арабија на неколку месеци и со тоа да го обнови вечното ривалство со Кристијано Роналдо, кој од почетокот на оваа година настапува за Ал Наср.
„Внатрешните проценки сѐ уште се во тек, наскоро се очекуваат вести“, изјави новинарот на Sky Sports, Руди Галети.