Лука Модриќ наскоро би требало да потпише продолжување на договорот со Реал и да остане во клубот уште една сезона.
Истото важи и за Тони Крос, германскиот играч за врска и негов долгогодишен партнер во средниот ред. The Athletic наведува момент што го опишува како пресвртница во одлуката на клубот да го задржи 37-годишниот Хрват.
„Преговорите со Модриќ не се во толку напредна фаза, но неколку извори за The Athletic изјавија дека тој, како и Тони Крос, се очекува да потпише продолжување на договорот што ќе го задржи во клубот и по оваа сезона“, истакнуваат од The Athletic во дел од текстот што се однесува на капитенот на хрватската репрезентација.
Потоа, повикувајќи се на извор од клубот, открива во кој момент одлуката за продолжување на договорот или заминување натежнала на страната на Модриќ.
„Изворот од клубот истакна важен момент во процесот: средбата меѓу Хрватот и претседателот на Мадрид Флорентино Перес, која се одржа пред реваншот од полуфиналето на Купот на Кралот против Барселона на 5 април“.
„Средбата се одржа на барање на играчот. Извори од Мадрид за The Athletic изјавија дека Модриќ лично сакал да му каже на Перес дека сака да остане и дека тоа секогаш му било приоритет. Тој веќе јавно проговорил за ова“, продолжува текстот.
„Перес, кој има одлични односи со Модриќ, го ценеше фактот дека Модриќ сакаше средба и реагираше позитивно, особено што некои медиуми го поврзуваа играчот со профитабилна понуда од Саудиска Арабија. Според извори запознаени со ситуацијата, Модриќ има и богата понуда од Катар“.
The Athletic пренесува дека Перез потоа му се заблагодарил на Модриќ и му рекол дека клубот сака да го задржи. Оттогаш, настапите на Модриќ на теренот само дополнително ја подобрија неговата позиција“, се заклучува во текстот.
