Велшката ѕвезда сѐ уште ја бара формата во Тотенхем, а Жозе Мурињо вели дека самиот играч мора да се докаже за да добие поголема шанса на зелениот терен.
Португалскиот стратег вели дека нема туку-така да му даде на Гарет Бејл минутажа на теренот, инсистирајќи дека ѕвездата мора да заслужи такво нешто.
„Не можам да играчите да им давам минутажа, минутажа на терен не е нешто кое јас го давам, така што јас тука немам ништо“, почнува Мурињо.
„Сите знаеме дека имаше потешкотии минатите две сезони, свесни сме дека тука пристигна повреден, а јасно ни е на сите и дека дури и оваа сезона тој игра променливо“.
Бејл во Тотенхем дојде на средината од септември и тоа на едногодишна позајмица од Реал Мадрид. Но, пристигна повреден па дебито го имаше на 1 октомври кога одигра 25 минути во ФА купот. Оттогаш одигра 12 натпревари, најчесто влегувајќи од клупата, додека шанса од почеток добиваше во Лига Европа. Првиот гол по враќањето во Тотенхем го постигна на 1 ноември во победата од 2:1 нас Брајтон & Хоув Албион.
„Најважно за него е да биде доследен, да тренира без проблеми, а кога играчот е редовен на тренинг, тренира со висок интензитет без никави проблеми, тогаш тој играч е подготвен. Но, не подготвен за да добие минутажа, туку подготвен за да заслужи минутажа. За мене тука е разликата“, објаснува Мурињо зошто Бејл не игра.
„Неделава тој ја работеше секоја минута како и сите други, со добар интензитет, па ајде да видиме како ќе реагира со акумулација на таков тренинг до крајот на неделава. Натпреварот со Вајкомб е во понеделник, па имавме уште тренинзи да го следиме. Но, тука игра улога и неговата самодоверба“.
Според ова, Мурињо најави дека има шанса да го видиме Бејл во тимот вечерва во натпреварот од ФА купот на гости кај второлигашот Вајкомб.
„Ако чувствува дека неделава имала позитивен ефект врз него, во однос на самодовербата, тогаш ќе игра“, заврши Португалецот.