Жозе Мурињо (61) е без работа откако Рома го отпушти кон средината на јануари годинава. Славниот португалски тренер бара нова средина, а во меѓувреме гостуваше во подкастот на јутјуберот Ohm. Меѓу другото, откри кој играч би сакал да го тренира.
„Лионел Меси е пример. Не треба да биде тренерan. Кој може да каже: 'Јас го тренерав Меси?' За мене тоа е апсурдно бидејќи тој знае сѐ и е роден со сѐ. Можеби може да ги научи другите нешто. Би сакал да го тренирам само за да имам чест да се пофалам со тоа“, одговори Мурињо и додаде дека сакал да го има Даниеле Де Роси во Интер и во Реал Мадрид, но тоа не тогаш не било можно.
„Да останам на темата Рома, го сакав Даниеле Де Роси во Интер и во Реал Мадрид, но тоа не беше можно. Го сакав и [Франческо] Тоти во Интер, и покрај неговата возраст, и тоа не беше можно. Тие се играчи кои секогаш сакате да ги тренирате во вашата кариера“.
Да потсетиме, Меси (36) моментално настапува за Интер Мајами, американски клуб кој се натпреварува во МЛС и чиј тренер е Аргентинецот Херардо Мартино. Мурињо, пак, е еден од најголемите тренери досега, а ги водеше Бенфика, Порто, Челси, Интер, Реал Мадрид, Манчестер Јунајтед, Тотенхем и Рома.
