По неколку неуспешни обиди, на 16 ноември НАСА успеа да ја лансира ракетата SLS на Месечината. Станува збор за мисијата Artemis 1, а од НАСА се фасцинирани од леталото Orion кое успеа да направи прекрасни снимки од вселената.
Леталото Orion брзо стигна до орбитата на Земјата, а 87 минути по лансирањето изврши транслунарна инјекција за да јурне кон Месечината. Од НАСА се презадоволни од однесувањето на леталото.
Менаџерот на мисијата Artemis 1, Мајк Сарафин, на прес-конференција соопшти дека е оштетена платформата за лансирање на вселенскиот центар Кенеди. Иако штетата е очекувана, сепак има значителни оштетувања и на зградата.
„Системот на лифтови моментално не работи. Ја имавме најмоќната ракета во светот и притисокот практично ја оштети вратата на нашите лифтови“, изјави Сарафин.