НБА им постави цел на клубовите сезоната 2020/21 да започне со навивачи на трибините.
Според Шамс Харанија, инсајдер на The Athletic, веб-страница специјализирана за НБА, во зависност од правилата во одреден регион, лигата планира да ги пополни арените за 25-50 проценти во првите недели од првенството.
Од клубовите ќе се бара да почитуваат посебен протокол, според кој посетителите на натпреварите ќе мора да носат маски, да одржуваат социјална дистанца и да бидат подложени на тестови на коронавирус.
Исто така, се забележува дека местата што се наоѓаат најблиску до теренот, ќе се оддалечат за 3-3,7 метри.
Правилата за дозвола за присуство на навивачи во арените може да се ревидираат за време на сезоната ако се промени ситуацијата – на пример, ако се одобри вакцина за коронавирус.
За потсетување, стартот на новата НБА сезона најверојатно ќе биде на 22 декември.
