Српскиот тенисер Новак Ѓоковиќ (2. АТП) по трет пат во кариерата го освои Мастерс 1000 турнирот во Синсинати, победувајќи го ноќеска Шпанецот Карлос Алкарас (1. АТП) во драматично финале.
Мечот траеше 3 часа и 49 минути, а во сетови беше 5:7, 7:6, 7:6 за еден од најдобрите тенисери на сите времиња.
Ѓоковиќ до својот 39-ти трофеј на турнирите Мастерс 1000 стигна спасувајќи меч поен во тај-брејкот во вториот сет, но тоа беше само почеток на драмата што ни ја понуди третиот сет од мечот одигран во најголем дел на 38°C во сенка.
Во решавачкиот сет Новак направи брејк во седмиот гем, а во деветтиот Алкарас спаси две меч топки кога сервираше за продолжување на мечот.
Шпанецот потоа спаси уште две меч топки кога Ѓоковиќ сервираше за победа во десеттиот гем, а во следниот спаси уште три брејк можности кои ги имаше Новак.
При 4-4 во тај-брејкот, Ѓоковиќ направи нов мини-брејк, а потоа стигна и до петтата меч топка, по што Шпанецот повеќе не можеше да издржи, па Новак му се реваншираше за поразот што му го нанесе во финалето на Вимблдон.
Разликата меѓу Алкарас и Ѓоковиќ на АТП листата сега е намалена на само 20 поени, а враќањето на Новак на број 1 по УС опен може да го запре само со пораз во првото коло на последниот грен слем турнир.
