Првиот човек на одделот М на BMW најави дека нивните нови модели ќе бидат уште помоќни.
Маркус Флеш во изјавата за медиумите ги откри плановите на еден од најценетите оддели во кои веќе со децении наназад се нудат најмоќните и најбрзите автомобили на баварскиот произведувач.
Флеш рече дека одделот М во последните пет години го зголеми производството за 200 отсто. Половина од моделите од актуелната продукција на BMW ја носат буквата М, а најголемите заслуги ги има моделот M2 Coupé.
Пред претставувањето на новите генерации на моделите М3 и М4, Флеш рече дека во плановите на М одделот засега нема електрични модели, но најави дека сè уште има простор за адекватни решенија кои ги вклучуваат само моторите со внатрешно согорување кои ќе бидат уште помоќни од сегашните.
„Моќта без контрола нема смисла, а ние знаеме како се прават оптимално избалансираните спортски автомобили во кои уживаат нашите купувачи, па со овој тренд ќе продолжиме и во иднина“, вели Флеш.
