Италијанскиот новинар Фабрицио Бјазин објави интересна кореспонденција со хрватскиот репрезентативец Марцело Брозовиќ, кој нема појма за неговиот потенцијален трансфер.
Како што објавија многу угледни медиуми, меѓу кои и Фабрицио Романо, 30-годишниот Марцело Брозовиќ го напушта европскиот фудбал и ќе биде една од низата ѕвезди кои ќе ја засилат саудиската Про лига.
Брозовиќ наскоро би требало да стане нов играч на Ал Наср, но хрватскиот репрезентативец не знае ништо за тоа. Барем ако му се верува на италијанскиот новинар Фабрицио Бјазин.
Бјазин на социјалните мрежи објави преписка со Брозовиќ во која Хрватот тврди дека сите се збогуваат со него, а тој нема поим за што се работи.
„Кој к*р? Сите ме поздравуваат, а јас со никого не сум разговарал. Луда работа“, му реплицирал Брозовиќ на овој италијански новинар.
Според она што наголемо се пишуваше, играчот на Интер во Саудиска Арабија треба да заработува 20 милиони евра годишно, а договорот треба да го обврзува до 2026 година. Тој ќе ја дели соблекувалната со Кристијано Роналдо, а неговиот нов клубот на Интер ќе му плати 23 милиони евра.
Од Брозовиќ се прости и Курва Норд, групата навивачи на Интер, која му се заблагодари за големиот придонес и посветеност во дресот на миланскиот великан.
Брозовиќ е во Интер од јануари 2015 година кога дојде од редовите на загрепски Динамо. Претходно настапуваше и за помалите клубовите од хрватската престолнина - Локомотива и Хрватски Драговоњац.
