Кафеавите мечки се застрашувачки животни кои можат да бидат опасни и за луѓето, меѓутоа често пати знаат и да нѐ изненадат покажувајќи го својот неодолив шарм.
Кафеавата мечка е животно кое предизвикува стравопочит, а неговиот дом се планините и шумите на Северна Америка, Европа и Азија. Овие џинови се воглавно животни самотници, кои се собираат во посебни прилики - како покрај реки во кои лососот излегува на површината и плива низводно.
За време на периодот на летното мрестење десетина кафеави мечки со собираат за да се насладат со оваа риба, копнеејќи по мастите кои ќе ги одржат во живот за време на долгата зима. На есен можат да изедат и до 40 килограми храна дневно, а пред хибернацијата нивната тежина е речиси двојно повисока од онаа која ја имаат на пролет.
Возрасните кафеави мечки се моќни предатори кои се наоѓаат на врвот на ланецот на исхрана, чиј најголем дел се состои од јаткасти плодови, бобинки, овошје, листови и корења. И покрај нивната огромна големина, можат да се движат и со брзина од 45 километри на час. Можат да бидат опасни по луѓето, особено ако изненадно дојде до средба или доколку човекот се најде меѓу мајка со своите мечиња.
Меѓутоа, овие мечки се познати и по својата несмасност и неодоливиот изглед. Токму една таква глетка е фатена од објектив на реката Брукс во Националниот парк Катмаи на Алјаска, а на фотографиите мечката изгледа како да се чуди како ги подигнала нозете при бањањето.
