Зоолошката градина во Сингапур неодамна го прослави раѓањето на првото лавче после успешно вештачко оплодување.
Но, лавчето Симба нема да може да го запознае татко му Муфаса бидејќи лавот мораше да биде успиен набрзо по вештачкото оплодување бидејќи беше многу стар.
Случаите на успешно зачнување со вештачко оплодување кај видот лавови се многу ретки, а постапката за првпат беше успешно спроведена во 2018 година, што резултираше со две младенчиња во Јужна Африка. Бидејќи бил многу агресивен, Муфаса никогаш не успеал да се спари, па негувателите од Зоолошката градина во Сингапур решиле да го продолжат неговото семејно стебло на необичен начин - со помош на современата медицина.
The Lion City’s First Cub by Assisted ReproductionThanks to advancements in assisted reproduction technology and the perseverance of vets and keepers at Singapore Zoo’s Wildlife Health and Research Centre, we’re proud to share the first-ever African lion cub conceived by assisted reproduction in the Lion City. In celebration of his heritage, the little one was named Simba, which means ‘lion’ in Swahili. Watch to find out Simba's story. *Some footage were filmed prior to the implementation of safe management measures and wearing of masks became mandatory.
Posted by Wildlife Reserves Singapore on Tuesday, January 19, 2021
Муфаса мораше да биде успиен откако му беше земен примерок од сперма. Тогаш имаше 20 години и ги надживеа сите свои браќа и сестри за шест до десет години, а страдаше од мускулна атрофија.
Симба, како и неговиот татко, го доби името по херој од анимираниот филм на Disney – „The Lion King“. Роден е на 23 октомври минатата година, но зоолошката градина чекаше младенчето да зајакне пред да биде објавена веста.
За Симба се грижат мајка му Кајла и негувателите во зоолошката градина. Бидејќи Кајла имала воспаление на млечните жлезди, негувателите го хранеле Симба со шише, но тој останал во близок контакт со мајка му. Тие велат дека младенчето е „здраво и љубопитно“ и дека најмногу сака да игра со топче од ратан.
„Покрај млекото, во неговата исхрана започнавме да внесуваме и помали количини на сирово месо. Поголемиот дел од денот го поминува меѓу играчки што ќе придонесат за неговиот развој “, велат од Центарот за здравствена заштита на дивиот свет при Зоолошката градина во Сингапур.
Тие додаваат дека гените на Муфаса што ги наследи Симба се „исклучително важни за генетската разновидност и одржливост на африканските лавови во зоолошките градини“. Симба е еден од најмладите претставници на овој вид лавови, кој според Меѓународната унија за зачувување на природата е на раб да биде прогласен за загрозен.
Од Унијата посочуваат дека популацијата на лавови во дивината се намалила за повеќе од 40 проценти во последните две децении, при што се останати од 23.000 до 39.000 возрасни единки во дивината.
