Pfizer и Moderna своите вакцини против COVID-19 почнаа да ги тестираат на новата верзија на коронавирусот што брзо се шири и се појави во Обединетото Кралство, јави денеска CNN.
Moderna очекува дека нејзината вакцина ќе ги заштити луѓето од новата варијанта на вирусот и ќе изврши повеќе тестови со цел да го потврди тоа во наредните недели, се наведува во соопштението на компанијата проследено до CNN.
Pfizer соопшти дека генерира податоци за тоа колку примероците од крв од имунизираните луѓе со неговата вакцина можат добро да го неутрализираат новиот вид од Обединетото Кралство, се наведува во извештајот.
Откривањето на новиот сој на коронавирусот предизвика нов бран паника, пред сѐ затоа што се пренесува побрзо за 40-70 проценти.
Истражувачите наведуваат дека нема докази дека вакцините од Pfizer и BioNTech или другите производители нема да ги заштитат луѓето од новата варијанта на коронавирусот.
