Празни улици и морничава тишина – видео од Атина во карантин

Од шест часот утрово Грција е во целосен карантин, а дописничката на МИА од Атина Сања Ристовска го посети центарот на грчката престолнина, плоштадот Синтагма пред Парламентот, трговската улица „Ерму“, односно локациите, што под нормални услови се полни, како со Грци, така и со туристи.

Сѐ до 30 ноември, Грција е во втор целосен карантин, а за граѓаните дозволено е движење само со претходно испратена СМС порака и тоа само за шест есенцијални причини: здравствени, односно за посета на лекар; посета на супермаркет или продавница за храна; посета на банка или јавна служба (кога не е можно барањата да се извршат електронски), посета на лице на кое му треба помош или грижа; присуство на погреб или физичка активност (индивидуално или по две лица) или прошетка на милениче.

Повеќе детали за тоа каква е денеска ситуацијата во Атина, во видеото.