Лос Анџелес Лејкерс ноќеска го завери првото место во Западната конференција, што е прво такво достигнување на тимот по цели 10 години.
На неутрален терен во Орландо, Лејкерс условно како гостин славеше над Јута Џез со 116:108 и со оваа победа го осигура првото место на Западот.
На натпреварот брилјираше Ентони Дејвис со 42 поена, 12 скокови и 4 асистенции, а втор најдобар стрелец беше Донован Мичел од Јута со 33 поени.
Со скор од 51 победа и 15 порази Лејкерси се недостижни на врвот во Западната конференција пред второпласираниот градски ривал Лос Анџелес Клиперс кој има скор од 45 победи и 21 пораз. Лејкерс последен пат беа шампиони на Западот во региларниот дел во сезоната 2009/10.
Ноќеска се одиграа уште два натпревара во кои Њу Орлеанс Пеликанс со 109:99 го совлада Мемфис Гризлис, а Филаделфија 76-ерс тесно со 132:130 беше поуспешна од Сан Антонио Спарс.
