Нормално е од време на време да си дозволите себеси да не изгледате уредно, но ако имате важен настан и сакате да оставите добар впечаток, треба да се погрижите за изгледот.
Но, понекогаш се случува да имате чувство дека изгледате неуредно, без разлика колку и да се трудите околу изгледот. На што треба да обрнете внимание во овој случај?
Неправилно пеглање
Кога ја пеглате памучната облека, обрнете внимание на деловите кои се во близина на вашето лице. Памукот лесно се тутка, а за најдобар резултат пеглајте ја памучната облека додека е влажна. Почнете од горниот дел на кошулата или маичката, а потоа преминете на надворешните страни. Ракавите испеглајте ги така што ќе ги откопчате копчињата на нив, а потоа ќе ја следите нивната линија.
Пожолтена бела облека
Пред перење одвојте ја облеката по боја. Белата облека треба посебно да се пере бидејќи ако ја ставите со која било друго боја може да завршите со пожолтена или посивена облека.
Чаршафите и белите крпи перете ги одвоено од облеката.
Излупен лак на нокти
Подобро е воопшто да не се лакирате отколку да шетате со излупен лак на ноктите. Доколку немате доволно време за маникир, најдобро одберете проѕирен лак или лак во неутрална боја.
Предолги панталони
Ова навистина може да биде проблем, особено ако немате време да ги однесете на кратење. Ако веќе носите предолги панталони одредете со кои чевли ќе ги носите, па според тие чевли е најдобро да ги скратите.
Избледена облека
За да спречите избледување на облеката секогаш перете ги алиштата превртени. Исто така, најдобро е да ги перете со студена вода бидејќи топлата побрзо ја разградува нивната боја.
