Лос Анџелес Рамс го освоија 56. Супербоул кој се играше на нивниот стадион победувајќи ги Синсинати Бенгалс со 23:20 во возбудливо финале.
Тоа беше победа на фаворитите извојувана на најтешкиот можен начин, буквално во последниот напад. Искуството и врвниот квалитет на Рамс беа за момент посилни од младоста и потенцијалот на Бенгалс. Доминираа Купер Куп и Арон Доналд.
Одлична игра прикажа Рамс веќе во својот втор напад, кога Метју Стафорд го пронајде Одел Бекам Џуниор за тачдаун од 17 јарди.
Бенгалс намалија на 7:3 по голот од поле на Еван МекФрсон, а на сето тоа му претходеше одлично додавање на Џо Бароу на 46 јарди од Џа'Мар Чејс.
„Овните“ стигнаа до 13:3 по првата голема соработка помеѓу Стафорд и неговиот прв фаќач и најдобар во лигата сезонава, Купер Куп.
„Бенгалците“ намалија на 13:10 во средината на втората четвртина по одличната трик акција во која додавач беше тркачот Џо Миксон, а топката ја фати Ти Хигинс. Со тој резултат се замина на паузар, а Шон МекВеј го загрижи повредата на досега многу расположениот фаќач Одел Бекам.
Второто полувреме почна одлично за Бангалс кои направија брз тачдаун од една контроверзна акција, а потоа додавањето на Стафорд го прекина Чидобе Авузие. На крајот од таа акција и по голот од поле, Бенгалс поведоа со 20:13.
Во последната четвртина тимот од Синсинати влезе со водство од 20:16. Сè се сврте за минута и пол пред крајот по тачдаунот на Купер Куп во напад во кој најдобриот офанзивец на сезоната имаше неколку индивидуални подвизи.
Одличнииот Џо Бароу имаше нешто повеќе од една минута да направи чудо, но тоа за жал на Бенгалс тоа не се случи. Половина минута пред крајот Арон Доналд го собори Бароу и славјето на домаќините можеше да започне.
Американската химна пред натпреварот ја пееше кантри ѕвездата Мики Гитон. Во спектаклот на полувремето воодушевија и Др. Дре, Снуп Дог, Еминем, Мери Џеј Блајџ, Кендрик Ламар, Шон Форбс и Ворен Снајп.
NBC, сопственикот на правата на овој најголем американски настан, го продаде просторот за дури 7 милиони долари за 30 секунди реклами.