Дури седум натпревари и многу тешки мечеви за само 26 дена го очекуваат актуелниот шампион на Шпанија и Европа.
Низата која почнува утре, 21 февруари, во Ливерпул во првиот осминафинален натпревар од Лигата на шампионите, а завршува во Барселона на 19 март во шампионското дерби, ќе ја дефинира сезоната на Реал.
Така Реал за помалку од еден месец ќе одигра многу дербија против најголемите клубови и ривали, но и натпреварите со останатите ривали од таа серија ќе бидат исклучително важни за нив и за противниците.
Низата започнува утре на „Енфилд“, во првиот натпревар од првата нокаут рунда во Лигата на шампионите. Двомеечот помеѓу Ливерпул и Реал во ЛП нуди спас на сезоната за двата клуба, откако Реал за малку ќе и ја предаде домашната титула на Барселона, која заостанува осум бода по 22 кола, а Ливерпул е далеку полош во Премиер лигата.
Пет дена подоцна Реал ќе му гостува на Атлетико во првенството во мадридското дерби. Четири дена подоцна Барселона ќе гостува на Бернабеу во првиот полуфинален натпревар од Копа дел Реј. Три дена подоцна Реал гостува кај Бетис кој се бори за пласман во Лигата на шампионите. Ќе има една недела одмор, а потоа ќе биде домаќин на Еспањол.
Ова формално е единствениот полесен противник во оваа пеколна серија, но клубот од Барселона се бори за опстанок. Три дена подоцна, на истото место, Ливерпул ќе се соочи со Реал за возврат во Лигата на шампионите. Конечно, неверојатно тешката серија завршува на 19 март со Ел Класико на Барселона во Ла Лига.