Реал Мадрид е еден од оние европски гиганти кои често скаутираат фудбалери од Јужна Америка и неретко ги доведуваат во своите редови.
Неодамна беше договорен трансферот на младиот Ендрик (16 г.) од Палмејрас, кој на „Сантјаго Бернабеу“ ќе дојде дури кога ќе стане полнолетен.
Реал во минатото носеше играчи како Робињо, Винисиус Жуниор и Родриго од Јужна Америка, а сега најде нова мета во аргентинскиот гигант Ривер Плејт.
Станува збор за 17-годишниот Клаудио Ечевери, наречен чудо од дете и новиот Лионел Меси, како што популарно го нарекуваат.
Периодов блеска на јужноамериканското првенство за играчи дои 17 години во Еквадор, каде на 4 натпревари постигна 4 гола и 2 асистенции конкурира за најдобар играч на турнирот. Прветсвото е вои тек и е во финланата фаза која ќе заврши на 23 овој месец.
Наводно кралскиот клуб го следи веќе некое време, но сега решија да загризат посериозно за што побрзо да го видат во своите редови.
Негов идол е, погодувате, Лео Меси, кој по Светското првенство во Катар во татковината се здоби со статус на божество.