Ако сакате да направите ручек кој на сите ќе им се допаѓа, тогаш наш предлог е роловано бело месо полнето со кашкавал и домат.
Од идеи за ручек никогаш не е доста, а пилешки стекови и печени компири никој нема да одбие. Овие две намирници можете да ги подготвите на безброј начини, а овој пат ви носиме совршен рецепт за роловано бело месо полнето со кашкавал и домати. Едноставно е за подготовка и не бара многу време, а вкусот е фантастичен.
Потребни состојки:
- 700 гр пилешко филе
- 1 лажица лук во прав
- 150 гр кашкавал
- 1 нишка магдонос
- 1 домат
- 80 мл грчки јогурт
- 1 лажичка сенф
- сол
- бибер
Подготовка:
Пресечете ги стековите на шницли, покријте ги со кеса и излупајте ги со чекан за месо. Посолете и побиберете ги, па посипете им лук во прав. Тргнете ги на страна за да го направите полнењето.
Кашкавалот изрендајте го, па додадете сечкан магдонот и домат. Сето тоа убаво измешајте го.
На средина на секое парче месо ставете лажица фил и ролајте. Затворете го месото со чепкалки и наредете ги парчињата во подмачкан огноотпорен сад. Измешајте јогурт и сенф и со добиената смеса премачкајте ги месата.
Печете во загреана рерна на 180°C околу 30 минути.
На видеото имате и бонус рецепт за салата со домат, краставица, црвен кромид, младо кромитче, бибер, сол и павлака, која одлично оди со стекови подготвени на ваков начин.