Англискиот селектор првично повика 24 играчи за претстојните натпревари против Исланд и Данска, но еден експресно отпадна.
Дефанзивецот и капитен на Манчестер Јунајтед, Хари Мегваер, првично се најде на списокот, но поради скандалот кој го направи во Грција беше експресно отстранет од списокот кој сега брои 23 играчи.
Го нема ниту најдобриот стрелец во Премиер лигата, Џејми Варди, но тоа е поради фактот што тој се пензионираше од репрезентација со напомена дека доколку некогаш има потреба би се активирал.
Тројца играчи ќе го чекаат своето деби и тоа голманот Хендерсон кој изминатава сезона го чуваше голот на Шефилд Јунајтед како позајмен од Манчестер Јунајтед, потоа играчите од средниот ред Фоден и Филипс, како и 18-годипниот напаѓач Гринвуд. Интересно, Филипс се избори за повик настапувајќи во Ченпионшип за Лидс.
Гарет Саутгејт реши да не упати повик за дефанзивците Џон Стоунс и Дени Роуз, како и за дуото од Ливерпул, Џордан Хендерсон и Алекс Окслејд-Чејмбрлејн.
Голмани:
Џордан Пикфорд - Евертон
Ник Поуп - Барнли
Дин Хендерсон - Манчестер Јунајтед
Одбрана:
Кајл Вокер - Манчестер Сити
Ерик Дајер - Тотенхем
Киеран Трипие - Атлетико (Шпанија)
Мајкл Кин - Евертон
Трент Александер-Арнолд - Ливерпул
Џо Гомес - Ливерпул
Тајрон Мингс - Астон Вила
Средина:
Деклан Рајс - Вест Хем
Мејсон Маунт - Челси
Хари Винкс - Тотенхем
Џејмс Вард-Праус - Саутемптон
Фил Фоден - Манчестер Сити
Калвин Филипс - Лидс Јунајтед
Напад:
Рахим Стерлинг - Манчестер Сити
Хари Кејн - Тотенхем
Маркус Рашфорд - Манчестер Јунајтед
Џејдон Санчо - Борусија Д. (Германија)
Тами Ејбрахам - Челси
Дени Ингс - Саутемптон
Мејсон Гринвуд -Манчестер Јунајтед
На 5 септември Англија гостува во Рејкјавик кај Исланд, а три дена подоцна патува за Копенхаген на мегдан со Данска.