Денесна ФИФА нѐ навраќа 30 години во минатото кога великаните на еврпскиот фудбал предводени од Рут Хулит и Лотар Матеус ги вркстија копјата во една незаборавна пресметка во една миланска вечер.
На Светското фудбалско првентсво во Италија 1990 година уште во осминафиналето дојде до пресметка на два гиганта. Актуелниот европски шампион од 1988, репрезентацијата на Холандија, против финалистот од Мундијалот во Мексико 1986 и бронзена од ЕУРО '88, Западна Германија.
Натпреварот е всушност реприза на полуфиналето од ЕУРО '88 кога Холанѓаните победија со 2:1 и тоа среде Хамбург, спречувајќи ги Германците на домашен терен да се борат за пехарот.
Фудбалскиот свет во 1990 очекуваше ваква пресметка да се случи многу подоцна од осминафиналето. Западна Германија заврши прва во својата група, но потфрли Холандија која беше дури трета. И тоа трета поради сплет на околности. Имено, Холандија заврши на делба на второто место со Ирска со еднаков број на бодови, гол-разлика, постигнати голови и меѓусебен скор, по што ФИФА одлучи жрепка да реши која ќе биде втора, а која треба. Ирците беа посреќни.
Роналд Куман, Франк Рајкард, Арон Винтер, Марко ван Бастен, Рут Хулит против Бодо Илгнер, Клаус Аугенталер, Јирген Колер, Андреас Бреме, Лотар Матеус, Руди Фелер и Јирген Клинсман. На селекторските клупи седеа Франц Бекенбауер и Лео Бенхакер.
Таа вечер на 24 јуни 1990 пресметката се одигра на „Џузепе Меаџа“ стадионот во Милано, а ФИФА ќе го реемитува денеска со почеток од 18 часот на својот YouTube канал.
Овој натпревар до ден денес е предмет на дискусија поради скандалот кој уште во првото полувреме го направија Руди Фелер и Франк Рајкард.