Американската пејачка Селена Гомес ја краси насловната страница на австралиското издание на Vogue за јули/август. Во интервјуто таа искрено зборува за готвењето, домот и среќата во животот. Повод за насловната е и лансирањето на нејзиниот нов козметички бренд Rare Beauty.
Гомес на фотографиите се појавува во неколку необични комбинации. За магазинот таа го откри личното искуство со пандемијата којашто донесе промени за сите, особено за оние кои работат во музичката индустрија. Откри дека најмногу ѝ недостасуваат патувањата, настапите и концертите.
Таа отворено зборува и за враќањето во музиката. Среде пандемијата и карантинот таа се пресели во нов дом во кој се наоѓа и студиото во кое сега го снима следниот албум, додека во кујната ги снимала емисиите за Selena + Chef.
Повод за интервјуто е нејзиниот нов козметички бренд Rare Beauty за кој вели дека целта ѝ е да ги урне нереалните стандарди за убавина кои лошо влијаат на менталното здравје.
