Русија ќе го зголеми бројот на војници на своите западни граници, изјави денеска рускиот министер за одбрана Сергеј Шојгу на состанокот на Колегиумот на Министерството за одбрана.
За потсетување, Финска неодамна стана најновата членка на Организацијата на Северноатлантскиот договор.
Според соопштението на руското Министерство за одбрана, Шојгу рече дека членката на НАТО Полска веќе објавила планови за зајакнување на својата армија и очекува значително распоредување на силите и оружјето на НАТО во Финска.
Дека Полска ќе испрати 2.000 војници на границата со Белорусија за да ги поддржат граничарите, потврди и Мачеј Васик, заменик-министер за внатрешни работи на Полска. Полска и Литванија изразија загриженост поради белоруските воени вежби во Сувалки.
Во вежбите во близина на границата учествуваа и платеници на групата Вагнер, а неодамна имаше информации дека платеничката група има намера да формира камп на 24 километри од јужната граница на Белорусија со Украина.
