Фудбалерите на Манчестер Јунајтед синоќа доживеаја нов срам и го срушија клупскиот негативен рекорд кој важеше од 1986 година.
Јунајтед синоќа беше поразен на домашен терен од Галатасарај со 3:2 во второто коло од Лигата на шампионите, а тимот предводен од Ерик тен Хаг од натпревар во натпревар изгледа како разбиена војска.
Ова им беше втор пораз во Лигата на шампионите и останаа заглавени на дното на табелата, додека во Премиер лигата се дури на 10-тото место благодарение на поразите од Кристал Палас, Брајтон, Арсенал и Тотенхем.
Навивачите на Јунајтед сѐ повеќе го губат трпението со Тен Хаг кој не може да го крене својот тим. Згора на тоа, го турка кон бездната.
Синоќа, холандскиот стручњак стана првиот менаџер во модерната ера на Манчестер Јунајтед кој загубил 6 од првите 10 натпревари во сезоната.
Такво нешто на „Олд Трафорд“ не се памети од 1986 година, односно од доаѓањето на Алекс Фергусон на клупата, а вистинското прашање е дали Тен Хаг конечно може да покаже зошто е дебело платен или ќе треба и тој да си ги спакува ги куферите.
Што се однесува до синоќешниот натпревар, Јунајтед двапати имаше водство против турскиот шампион, а двата гола ги постигна Расмус Хојлунд. Сепак, одличниот турски тим дватапати се враќаше во игра со головите на Вилфрид Заха и Керем Актурколу.
Се играше 77. минута кога Каземиро доби црвен картон, а беше досуден и пенал за Галатасарај. Но, Мауро Икарди од белата точка шутираше крај голот и на тој начин ја уништи најдобрата шанса да му донесе голема победа на Галатасарај.
Иако го промаши пеналот, во следниот напад Икарди се искупи и по контранапад погоди за неверојатни и шокантни 2:3.