Научниците месецов измерија многу високи температури на Антарктикот.
Температурата на истражувачката станица Конкордија, попозната како најстуденото место на Земјата, на 18 март била -11,5 степени Целзиусови, пишува CNN.
Нормалната висока дневна температура таму е околу -49 степени Целзиусови што значи дека мерењето е околу 38 степени повисока од вообичаеното. Доколку Светската метеоролошка организација навистина ја следи оваа метрика, научниците велат дека најверојатно ќе постави светски рекорд.
„Се чини дека е нов светски рекорд за најголемата температурна разлика измерена некогаш на метеоролошка станица“, рече Роберт Род, водечки научник од Berkeley Earth.
Рандал Сервени, професор по географија на Универзитетот во Аризона и известувач за екстремни рекорди на Светската метеоролошка организација, изјави за CNN дека овој вид на рекорд, колку е температурата над или под нормалата, не е нешто што Светската метеоролошка организација го следи или проверува. Сепак, тој рече дека тоа е легитимно.
Долгорочни ефекти
Екстремните горештини на Антарктикот се причина за загриженост поради долгорочните ефекти на мразот, особено ако потраат. Парче мраз на Антарктикот речиси со големина на Лос Анџелес се распадна за неколку дена.
Кон крајот на февруари, морскиот мраз околу Антарктикот беше со најмала површина од почетокот на мерењата со сателити во 1979 година, помалку од два милиони квадратни километри, соопшти Националниот центар за податоци за снег и мраз на САД.
Сепак, научниците велат дека влијанието на настан како ќе биде мало. „Доколку такви ситуации се случат во иднина и тие станат почести, може да има позначајно влијание“, рече Џон Кинг од British Antarctic Survey.
