Европската фудбалска асоцијација (УЕФА) парично ја казни Фудбалската федерација на Македонија за случувањата на натпреварот со Бугарија одигран на 26 септември во Скопје.
ФФМ ќе треба да плати 10 илјади евра за исвиркување на химната на Бугарија „Мила Родино“, како и 4.500 евра за фрлање на предмети на теренот.
Само што почна химната целиот стадион пламна во свирежи и укања, па од бугарската химна на трибините едвај и да се слушна по некоја нота.
Казна доби и македонскиот репрезентативец Тодор Тодороски. Тој поради добиениот црвен картон е суспендиран еден натпревар, што и беше очекувано со оглед на тоа што се работи за стандардна постапка.