Отвореното првенство во тенис на Британија ќе се одржи следната година без навивачи на трибините.
Турнирот беше откажан во 2020 година за прв пат по Втората светска војна поради коронавирусот. Организаторите не сакаа да го одржат натпреварувањето без гледачи оваа година, но успехот на УС Опен и другите спортски настани им го смени мислењето, пренесува Times.
Флешинг Медоус се одржа без гледачи, а Ролан Гарос дозволи 1.000 луѓе на ден.
– Активно го планираме следното издание на Вимблдон и разгледуваме различни опции во моментот, со оглед на тоа што останува уште некое време до турнирот, се вели во соопштението на организаторите на Вимблдон.
Сепак, тие додадоа дека е рано да се дадат последни предвидувања.
Ново откажување на турнирот ќе има огромен финансиски ефект врз британскиот тенис.
Енди Мареј, двократен шампион на турнирот, повика Грен слем турнирот да се одржи со или без навивачи, а мислењето на поранешниот број 1 беше споделено со организаторите, според објавените информации.
Следниот Вимблдон е закажан за 28 јуни.