ФИФА СВЕТСКО ПРВЕНСТВО ГЕРМАНИЈА 2006

Времеплов: 14 години од инцидентот Матераци - Зидан

На 9 јули 2006 година во финалето од Мундијалот во Германија се сретнаа Италија и Франција во натпревар кој ќе остане вечно запаметен по скандалозниот дуел на Зинедин Зидан и Марко Матераци.

Двата фудбалера буквално го одбележаа финалето. Во 7. минута Зидан донесе водство за Французите откако шутираше прецизно од белата точка. Виновник за пеналот беше токму Матераци кој го фаулираше Флоран Малуда.

Набрзо потоа, во 19. минута Андеа Пирло нафрли од корнер, а највисоко во францускиот шестнаесетник скокна Матераци и со глава ја затресе мрежата на Фабјан Фартез за 1:1.

Резултатот остана непроменет и по 90 минути игра, па се замина во продолженија. Во 110. минута се случи контроверзниот момент кој го оцрни финалето.

Главниот судија, Аргентинецот Орасио Елисондо не го виде инцидентот, а забележа дека нешто се случило откако Џиџи Буфон протестираше кај помошниот судија. Тогаш судијата го виде Матераци како лежи на зејмата. Бидејќи ниту Елисондо ниту неговите двајца помошници не видоа ништо, на сцена стапи четвртиот судија, Шпанецот Луис Медина Канталехо кој виде сѐ и му раскажа на судијата.

Зидан и Матераци се движеле еден крај друг, а Матераци со рацете го држел Зидан за дресот. Размениле зборови по што Зидан со главата во стил на бик го удрил Матераци во градите, кој паднал на земја. Елисондо му покажа директен црвен картон на Зидан.

Светскиот шампион се реши по изведувањето на пенали каде Италија триумфираше со 5:3 и по четврти пат ја освои титулата, а Франција за првпат загуби финале.

Инцидентот остана главна тема наредните денови, месеци, па и години.

Remote video URL

Верзијата на англиските таблоиди

Три британски весници, The Daily Star, The Daily Mail и The Sun, објавија дека преку читачи од усни откриле како течел разговорот помеѓи Зидан и Матераци.

„Ако толку го сакаш дресот, ќе ти го дадам по натпреварот“, рекол Зидан.

„Не ми треба од син на ку*ва терорист“, возвратил Матераци. Таблоидите пишуваа дека Матераци го употребил зборот терорист алудирајќи на фактот што Зидан е етнички Алжирец и муслиман.

Зидан никогаш детално не го објасни инцидентот, а Матераци поднесе тужба до весниците кои веднаш го повлекоа напишаното.

Верзијата на Матераци

Италијанецот призна дека го навредувал Зидан, но категорично до ден денес отфрла секакво вреѓање на неговата мајка, која, патем, тој период била болна.

„Не зборував за неговата мајка. Ја загубив мајка ми на 15 години и сѐ уште сум емотивен кога зборувам за мајки“, изјави Матераци посочувајќи зошто не го направил тоа.

„Ако толку го сакаш дресот ќе ти го дадам по натпреварот“, рекол Зидан.

„Ја преферирам сестра ти ку*вата“, возвратил Матераци. Подоцна Матераци откри дека кога ги кажал тие зборови не ни знаел дали Зидан има сестра или не.

Матераци со драгоцениот пехар од финалето

Помирување

ФИФА го казни Зидан со 3 натпревари пауза и 7.500 швајцарски франци. Сепак, бидејќи Зидан се пензионираше по Мундијалот, волонтерски одработи три дена општествена работа во име на ФИФА, како замена за суспензијата. Матераци отслужи 2 натпревара суспензија и плати 5.000 швајцарски франци.

„Провоцирањето е срашна работа. Јас никогаш не бев провокатор. Страшно е и најдобро е да се остане смирен. Сепак, ако ги погледнете моите 14 црвени картони кои ги добив во кариерата, ќе видите дека 12 од нив беа како резултат на провокации. Не се правдам, не барам изговор, но мојата страст, мојот темперамент и крв ме тераа да реагирам“, изјави Зидан во 2010.

Години подоцна, двајцата се сретнале на паркинг во Милано. Се поздравиле и размениле по некој збор, меѓутоа официјално никогаш не се смирија, а Матераци напиша и книга за инцидентот од чија продажба финансиските средства ги донираше во добротворни цели.

реклама

Патничките авиони ќе летаат како птиците во јато

Read more

Зошто одеднаш Израел почна да си подава рака со арапските земји?

Read more

Топ 5 новитети во iOS 14 за iPhone кои мора да ги пробате

Read more

Ако епидемиолошката слика е стабилна, во ноември ќе се дозволи физичко присуство во училиштата

Read more

Фудбал

Депај нема да го нашушти Лион

Read more

Агуеро веројатно нема да заигра за Сити до ноември

Read more

Почнува Серија А: Кој ќе го запре Јувентус?

Read more

Се враќа публиката во Калчото: В недела на две средби ќе има гледачи

Read more

Спорт

Депај нема да го нашушти Лион

Читај повеќе

Агуеро веројатно нема да заигра за Сити до ноември

Читај повеќе

Почнува Серија А: Кој ќе го запре Јувентус?

Читај повеќе
  • play_arrow

Адетокунбо вторпат по ред прогласен за најкорисен играч во НБА

Читај повеќе

Се враќа публиката во Калчото: В недела на две средби ќе има гледачи

Читај повеќе

ГП во Монца е најдобра трка сезонава според фановите

Читај повеќе

Игуаин потпиша за Интер Мајами

Читај повеќе

Ако Шкендија приреди чудо со Тотенхем, ќе има полесна задача во плеј-офот

Читај повеќе
  • play_arrow

Фернандеш е играч на сезоната во Манчестер Јунајтед

Читај повеќе