На 70. светски избор за убавина во Израел одбрана е новата Мис Универзум.
На изборот победи 21-годишната Харназ Санду, Мис Индија, избрана за Мис Универзум за 2021 година. Санду зад себе остави 79 девојки од различни земји.
Титулата на прва придружничка ја освои Мис Парагвај Надја Фереира, додека за втора придружничка е одбрана Мис Јужна Африка Лалеу Мсване,
Круната на Мис Универзум ја врачи минатогодишната победничка Андреа Меза.
Санду на натпреварот се претстави со силната поддршка за подобрување на местото на жената во општеството. Работи како актерка, а најголема инспирација за неа е познатата Пријанка Чопра. Во слободно време се занимава со јога, танц, готвење, шах и јавање коњи.
Таа беше главен фаворит и во обложувалниците. Во топ 15 влегоа претставничките од САД, Јужна Африка, Парагвај, Филипини, Аруба, Индија, Велика Британија, Јапонија, Порторико, Панама, Сингапур, Колумбија, Венецуела, Бахами и Франција.